Wanpla long ol 4pla meri we ibin ron long by-election blong North Bougainville seat blong Papua New Guinea National Parliament, Joycelyn Nakin em fespla long ol kandidate we ibin lus long displa by-election, long congratuletim winner, Francesca Semoso.
Ms Semoso em ibin formally declared winner long Buka long North Bougainville long Mande.
Ol 17 kandidet olgeta nau ibin ron long displa by-election bihain long dai blong sitting MP, William Nakin husat i papa blong Joycelyn Nakin taim oli wok long kauntim ol vout yet long 2022 National General Elections.
Ms Nakin itok maski em ibin gat gutpla sapot long taim blong eleksen, sampla pipol itokim em olsem em yangpla tumas, sampla itok em ino taim blong ol meri yet.. na em itok moni politik tu i bikpla tumas.