Wantem bikpla laikim long lukim olsem ol passingia i ken move long wanpla Provins igo long narapla na tu long halivim long apim servis blong en, bikpla mama airline kampani blong PNG, Air Niugini tete i signim wanpla wanbel wantem Airbus.
Displa wanbel bai nau lukim olsem Air Niugini bai nau baim 6pla A220 seris balus, we oli bai kolim nau long People's Balus.
Wantem displa, oli bai leasim 2pla A220-100's na 3pla bikpla moa A220-300's we i bai karim mak blong ol nuipla balus i go long 11pla olgeta.
Displa wanbel ibin kamap behainim signing we i kamap namel long Acting CEO blong Air Niuigini, Gary Seddon na President blong Airbus Asia Pacific, Anand Stanely long Port Moresby tete morning.
Displa ol 11pla balus, bai i nau replacim ol fleet blong Fokker 100 na Fokker 70 na tu Boeing 737 long ol domestic and regional international routes.
Tete tu i makim 50pla yia olgeta taim Air Niugini i bin kirapim nambwan flight blong en insiat long kantri.
ABC niusmeri, Belinda Kora ibin stori wantem Acting CEO blong Air Niuigini, Gary Seddon behainim displa signing long hau displa bai halivim long mekim wok stretim blong servis blong ANG.
Credits
In this episode