Autonomous Bougainville Gavman em i nau gohet long karim aut ol wok blong Bougainville independence insait long olgeta 33 constituency long region.
Referendum long 2019 i soim olsem klostu 98% blong Bougainville i laikim independence na tupla Papua New Guinea na ABG Gavman ibin wanbel pinis long Autonomous Region blong Bougainville bai kakap olsem wanpla independent kantri ino bifoa long 2025, na ino bihain long 2027.
Em long displa nau na ABG Department blong Independence Mission Implementation em i wok long karim aut displa Internal Independence Readiness program blongen blong meksua olsem Bougianville i redi long kisim independence long displa 2025 timeline.
Long audio bai yu harim Media na Communications Officer blong displa Derpartment, Joseph Morokana, itok ol lain insait long DIMI, i nau wok long karim aut ol workshop blong ol komiuniti manager long sait blong monitoring na evaluation blong ol progress long ol 5-pla benchmark long Internal Independence Readiness program.